Тани ӝоген вуоз зачётной арня! Со милям пыд выжыямы ни! Мамында милемлы тыршоно луоз! Ваньмыз сётӥськоз секытэн! Выль армы но матынъяське ни! Ум оше йырмес эшъёс вамыштоме азьлань!)))

Урааа! Выходной нуналъёс!

Яратонэ лу монэн, дуннеысь омыр бырытозь, инбамысь шунды кысытозь, зарезьёс куасьмытозь но толэзь усьытозь. Ярат монэ, кызьы нокинэ но та дырозь ӧд яраты, кузьма астэ, кузьма сюлэмды, оскы, оскы пыраклы. Лу монэн, лу монэн, яратонэ, кызьы мон тонэн, КЫЗЬЫ МОН ТОНЭН…

Тани дорысь уж лэсьтыны пукси но мар ке йырам лыктӥз сюан кырӟан! Сое аслам блогам гожтыса кельтэме потӥз.)

Ми татчы лыктӥм, вал ик улляса,

Юскимы капка выжыяд ай-кай.

Ми лыктон дыръя тӥ витиллямды

Лыз дыдык сямен гурласа ай-кай.

Куддыр мылкыды умой ке, комнатаын эшелы но кырӟасько! Со монэ серекъяса но басьтэ!

Юрттозы вашкала амалъёс

Ньылонды ке висе

Ньылонды висьыку, таче амалъёс юрттозы:

• Стакан тыр горд кушман вуштэ. отчы одӥг сиськон пуньы тыр уксус ватсалэ. кӧня ке дыр ӵоже пукетэ. Собере пызьыртэ но та вуэн ньылондэс гылтэ, одӥг-кык пуньызэ юэ.
• Пичи пуньен сугон вуэз ӝыны стакан шуныт вуэ йылтэ но соик нуналаз 3-4 пол ньылондэс гылъялэ.
• Ньылонды кемалась ке висе ни. часлы быдэ сое гылъялэ лимон кислоталэн 30 процентъем суретэныз
• Висемдэс сокугес гинэ ке шӧдӥды, кӧня ке часъёс ӵоже чечыен сюсь сыске.
• Юрттоз сиёнэ кутӥськись гвоздика но. Сое кӧня ке дыр ӵоже сюпсёно, собере куртчыса сысконо.
• Ньылон вадэстэс кубиста куарен шобыртэ но ыж гон шарфен керттэ. Куарез вошъялэ, кык час ортчыса.

Туннэ милемыз Гриша Григорьев тодматӥз

Электронкыллюкамен, Конвертер Шулаковаен но мукет! Табере ми быгатиськом ини аськаын но удмурт шрифтъёсты пуктылыны! Туж бадӟым тау солы вераме потэ!

Си:зьылэ - мо:змонэ

Ч:уж куаръёс бергало,

Каньыля усьыло...

Си:зьылэ - мо:змонэ тон мынам.

Писпуос - гольыкесь,

Бусыос но бушесь,

Синъёсыд та дыре

Валантэм - ж:ожало.

Пурысь зор шапыкъёс

Торккето укное,

Сюлэмме бышкало,

Мылкыдме куашкато.

Ч:уж куаръёс син азям

Куарусён толэзе.

Нош тынад синъёсад

Мар меда, мусое?

Мо:змисько!